Dil To Pakka Tha Magar Dil Ki Dalilen Kachchi
dil to pakka tha magar dil ki dalilen kachchi
le girin puKHta imarat ko fasilen kachchi
aa gae rang ke dhoke mein zamane wale
surKH phulon pe jhapaTti rahin chilen kachchi
aa gai baat sar-e-bazm zaban par dil ki
tu ne honTon pe jaDin zabt ki kilen kachchi
kachche angur ki ek bel badan hai us ka
aur aankhen hain mai-e-nab ki jhilen kachchi
le uDe abr ke TukDon ko hawa ke jhonke
sukh kar baiTh gain KHak mein jhilen kachchi
phir palaT aaenge 'sirat' ye junun ke mausam
dhajjiyan jeb o gareban ki si len kachchi
Mohan Seerat Ajmeri 
(665) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544