Muddat Se Jo Band PaDa Tha Aaj Wo Kamra Khol Diya

muddat se jo band paDa tha aaj wo kamra khol diya

main ne tere samne dil ka kachcha-chiTTha khol diya

mujh se laDne wale sare maidan chhoD ke bhag gae

le kar ek talwar jo main ne apna sina khol diya

phul samajh kar titli bhanwre us pe aa kar baiTh gae

bagh mein ja kar jun hi us ne apna chehra khol diya

sare kaamon ko nipTa kar aadhi raat mein soi thi

bhor bhae phir uTh kar amma ne darwaza khol diya

mujh ko dekh ke mera jumla jun hi us ko yaad aaya

us ne jo bandha tha wo baalon ka juDa khol diya