Haqaeq Ko Bhulana Chahte Hain
haqaeq ko bhulana chahte hain
koi rangin fasana chahte hain
badan par oDh kar gard-e-masafat
gham-e-manzil chhupana chahte hain
gai shab ki rupahli saaton ko
nai dhaj se sajaana chahte hain
parindon ko na patthar se uDao
musafir hain Thikana chahte hain
kushada saeban sab ke liye ho
riayat sab uThana chahte hain
nasim-e-subh ho sarsar ho kuchh ho
ye paude lahlahana chahte hain
wo KHud bhi to kabhi aae the 'mohsin'
jo mahfil se uThana chahte hain
Mohsin Bhopali 
(642) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544