Ye Mere Chaaron Taraf Kis Liye Ujala Hai
ye mere chaaron taraf kis liye ujala hai
tera KHayal hai ya din nikalne wala hai
yaqin mano main kab ka bikhar gaya hota
tumhaari yaad ne ab tak mujhe sambhaala hai
hujum-e-jashn mein karta hai gham-zadon ko talash
mujhe junun ne ajab imtihan mein Dala hai
kisi ka nam to hum le ke shab mein sote hain
koi to hai jo sahar-dam jagane wala hai
zamana-saz Daren gardish-e-zamana se
hamara kya hai hamein hadson ne pala hai
yahi bahut hai ki naqsh-e-qadam se bach jaen
suKHan mein rasta kis ne naya nikala hai
KHuda kare ki use ilm bhi na ho 'mohsin'
wo jis ke gird meri chahaton ka haala hai
Mohsin Bhopali 
(1311) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544