Hum Bhi Zinda Hain Ajab Kawish-e-izhaar Ke Sath
hum bhi zinda hain ajab kawish-e-izhaar ke sath
guftugu karte hain ghar ke dar-o-diwar ke sath
hum ne aise bhi faqihan-e-haram dekhe hain
bech dete hain fazilat bhi jo dastar ke sath
hairati hun wo musalman ko musalman karne
sar-e-bazar nikal aate hain do-chaar ke sath
kya zarurat hai unhen manzar-o-pas-manzar ki
jo kahani hi badal dete hain kirdar ke sath
aise KHurshid ki bhi hum ne pazirai ki
jo dam-e-subh nikalta hai shab-e-tar ke sath
chiz dukkan se uTha kar wahin rakh deta hun
rose ye hota hai mujh aise KHaridar ke sath
'mohsin'-ehsan mashaqqat ki bhi had hoti hai
tum to mar jaoge bar-e-gham-e-dil-dar ke sath
Mohsin Ehsan 
(588) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544