Sail-e-bala-e-gham Na Puchh Kitne Gharaunde Dah Gae
sail-e-bala-e-gham na puchh kitne gharaunde Dah gae
naw to KHair naw thi sath kinare bah gae
dil mein hujum-e-shauq tha lab pe na baat aa saki
abr falak pe khul gae bij zamin pe rah gae
kis mein thi tab-e-zaKHm-e-shauq kis mein tha gham ka hausla
hum hi ye dukh uTha gae hum hi ye dard sah gae
ham-safaran-e-shauq ne rah mein haar man li
dasht-e-shab-e-firaq mein hum hi akele rah gae
'mohsin'-e-be-nawa ko bhi dad-e-kamal dijiye
wo bhi hadis-e-dard-e-jaan apni ghazal mein kah gae
Mohsin Ehsan 
(628) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544