Ghazlon Ki Dhanak ODh Mere Shola-badan Tu
ghazlon ki dhanak oDh mere shola-badan tu
hai mera suKHan tu mera mauzu-e-suKHan tu
kaliyon ki tarah phuT sar-e-shaKH-e-tamanna
KHushbu ki tarah phail chaman-ta-ba-chaman tu
nazil ho kabhi zehn pe aayat ki surat
aayat mein Dhal ja kabhi jibrail dahan tu
ab kyun na sajaun main tujhe dida o dil mein
lagta hai andhere mein sawere ki kiran tu
pahle na koi ramz-e-suKHan thi na kinaya
ab nuqta-e-takmil-e-hunar mehwar-e-fan tu
ye kam to nahin tu mera meyar-e-nazar hai
ai dost mere waste kuchh aur na ban tu
mumkin ho to rahne de mujhe zulmat-e-jaan mein
DhunDega kahan chandni raaton ka kafan tu
Mohsin Naqvi 
(3147) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544