Ek Hangama Shab-o-roz Bapa Rahta Hai
ek hangama shab-o-roz bapa rahta hai
KHana-e-dil mein nihan jaise KHuda rahta hai
mere andar hi koi jang chhaDi hai shayad
mere andar hi koi dasht-e-bala rahta hai
jab bhi nazdik se mahsus kiya hai KHud ko
main ne dekha hai koi mujh se KHafa rahta hai
hum to aabaad jaziron se guzar jate hain
aur phir dur talak ek KHala rahta hai
KHamushi ka pas-e-diwar-e-junun hai saya
is taraf silsila-e-ah-o-buka rahta hai
Moid Rashidi 
(616) Peoples Rate This