Fasil-e-shahr Se Kyun Sab Ke Sab Nikal Aae
fasil-e-shahr se kyun sab ke sab nikal aae
hamein KHabar na hui jaane kab nikal aae
qadam qadam pe yahan qahqahe bichhe hue hain
ye kaise shahr mein hum be-sabab nikal aae
wo raushni mein nahaya hua tasawwur tha
andhera baDhta gaya dast-e-shab nikal aae
ab is se pahle ki ruswai apne ghar aati
tumhaare shahr se hum ba-adab nikal aae
phir ek lamhe ko Thahra nahin gaya hum se
hamare dil ne kaha ab, to ab nikal aae
Moid Rashidi 
(610) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544