Ai Hawa Shor Kar
in muammar daraKHton ke qile mein bhagdaD macha
dewdar ki shaKHon pe shab-KHun mar
aur KHwahish ke patton ke qalin par
aisa udham macha
jo ragon mein ThiThurte hue KHun ko garm kar de
KHayalon ki tah-deg ko itna khaula
ki barfani tudon se chingariyan phuT niklin
dilon aur zehnon ke mabain khinchi hui
KHushk taron pe bandhe hue
rang-dar-rang dhagon ke par kaT de
mere aur us ke mabain bahte hue
ret ke is samundar ke pinDal mein
chup se panja laDane ka elan kar
jangali Dhol ki gat pe badmast ho
zor kar
ai hawa shor kar
Moin Nizaamii 
(1313) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544