Dekhe Use Har Aankh Ka Ye Kaam Nahin Hai
dekhe use har aankh ka ye kaam nahin hai
kuchh khel tamasha-e-lab-e-baam nahin hai
main mo'tarif-e-jurm hun jo chaho saza do
ilzam-e-tamanna koi ilzam nahin hai
wo subh bhi hoti hai shab-e-tar se paida
jis ko KHatar-e-tirgi-e-sham nahin hai
jo dil hai wo labrez-e-tamanna hai 'mubarak'
is jam se achchha to koi jam nahin hai
Mubarak Azimabadi 
(553) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544