Phir Mile Hum Un Se Phir Yari BaDhi
phir mile hum un se phir yari baDhi
aur uljha dil giraftari baDhi
mehrbani chaarasazon ki baDhi
jab baDha darman to bimari baDhi
hijr ki ghaDiyan kaThin hoti gain
din ke nale raat ki zari baDhi
phir tasawwur mein kisi ke nind uDi
phir wahi raaton ki bedari baDhi
saKHtiyan rah-e-mohabbat ki na puchh
har qadam ek taza dushwari baDhi
KHair saqi ki salamat mai-kada
jis qadar pi utni hushyari baDhi
daur-daure hain 'mubarak' jam ke
intiha ki apni mai-KHwari baDhi
Mubarak Azimabadi 
(659) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544