Main Kitne Barson Se Roz
main kitne barson se roz apne ana ki ek parat
chhilta hun
lahu lahu in hazar parton ki tah mein patthar hun
jaanta hun
ye kahkashaen ye kaenaten ye raushni ke siyah raste
guzar ke teri talash mein hain
ki ho na ho tum wahan kahin meri muntazir ho
mujhe yaqin hai ki tum meri baat sun rahi ho
magar nahin ho, ki ye jo tum ho, ye tum nahin ho
meri ana ka koi nagar ho
ki jis ke raushan siyah kuchon mein
sar-kaTe ajnabi bhare hain
main ruh ke reshmi libaade haTa ke KHud se milunga lekin
mujhe KHabar hai ki tum wahan bhi nahin milogi
ki tum parastish ki aarzu ka koi bhanwar ho
koi KHudawand-e-lab mile to
ki apni banjar ada ke mandir mein murti ki tarah khaDi ho
hazar sadiyon se rah tak tak ke jam gai ho
Mubarak Haider 
(609) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544