Har GhaDi Ek Sitam Ijad Kiya Hai Humne
har ghaDi ek sitam ijad kiya hai hum ne
shahr-e-dil KHud tujhe barbaad kiya hai hum ne
aaj is ke hi karishmon se hain mahjub bahut
kal jise KHud hi pari-zad kiya hai hum ne
ek imarat ki uThani hai sar-e-dasht-e-wajud
so gham-e-jaan tujhe buniyaad kiya hai hum ne
apne sine mein utare kai KHanjar sau bar
tujh ko ek bar jo nashad kiya hai hum ne
kis qadar aaj hawaon mein larazta raha dil
kis qadar aaj tujhe yaad kiya hai hum ne
Mubeen Mirza 
(610) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544