Na Aah Karte Hue Aur Na Wah Karte Hue
na aah karte hue aur na wah karte hue
jiyenge zabt ko apni panah karte hue
wo ek rang jo chhalkega us ki aankhon se
wo jit lega mujhe ek nigah karte hue
badal bhi sakti hai duniya ye jaanta hun magar
main haar jaunga us se nibah karte hue
main sab hisab rakhunga safediyon se pare
ab apni fard-e-amal ko siyah karte hue
tere baghair mujhe zindagi na ras aai
so ji raha hun main KHud ko tabah karte hue
(688) Peoples Rate This