Had Se BaDhti Hui Tazir Mein Dekha Jae

had se baDhti hui tazir mein dekha jae

KHwab ko KHwab ki tabir mein dekha jae

dekhne ko main faqat itna bacha hun yani

mujh ko ek manzar-e-taswir mein dekha jae

khul bhi sakta hai jahan par mera andaz-e-junun

zaKHm jo halqa-e-zanjir mein dekha jae

sabr bhi jis ke nishane pe hai aur sina bhi

hausla kitna hai us tir mein dekha jae

is qadar dida-e-giryan ka to haq banta hai

ab use nala-e-shab-gir mein dekha jae

tab kahin dard utarta hai rag-o-pai mein 'naim'

sher jab 'mir' ki tasir mein dekha jae

(827) Peoples Rate This

Your Thoughts and Comments

Had Se BaDhti Hui Tazir Mein Dekha Jae In English By Famous Poet Naeem Gilani. Had Se BaDhti Hui Tazir Mein Dekha Jae is written by Naeem Gilani. Read famous Poem Had Se BaDhti Hui Tazir Mein Dekha Jae for youth and Student by Naeem Gilani. Free Download Had Se BaDhti Hui Tazir Mein Dekha Jae in PDF.