Ek To Ishq Ki Taqsir Kiye Jata Hun

ek to ishq ki taqsir kiye jata hun

us pe main pairwi-e-'mir' kiye jata hun

mazarat ghar ke charaghon se karunga kaise

main jo taKHir pe taKHir kiye jata hun

yani taswir-e-zaman par hai tasarruf itna

dekhta jata hun tahrir kiye jata hun

baghban tujh se to main dad-talab hun bhi nahin

peD sunte hain main taqrir kiye jata hun

ye ilaqa na ho dariya ki amal-dari mein

main jahan naw ko zanjir kiye jata hun

aaKHirash KHak uDa kar sar-e-rahe dil ki

ek duniya ko main dil-gir kiye jata hun

us ki buniyaad mein ek KHam-e-KHayali hai 'naim'

shahr jo KHwab mein tamir kiye jata hun

(1263) Peoples Rate This

Your Thoughts and Comments

Ek To Ishq Ki Taqsir Kiye Jata Hun In English By Famous Poet Naeem Gilani. Ek To Ishq Ki Taqsir Kiye Jata Hun is written by Naeem Gilani. Read famous Poem Ek To Ishq Ki Taqsir Kiye Jata Hun for youth and Student by Naeem Gilani. Free Download Ek To Ishq Ki Taqsir Kiye Jata Hun in PDF.