Fughan Ke Sath Tere Rahat-e-qarar Chale

fughan ke sath tere rahat-e-qarar chale

nawa-garan-e-wafa himmaton ko haar chale

ye kya ki phul khile aur zaKHm risne lage

mile sukun bhi agar baad-e-nau-bahaar chale

ye multafit si nigahen farogh-e-jam ke sath

chale ye daur chale aur bar-bar chale

hazar barhami-e-zulf-e-yar bhi dekhi

tujhe to kakul-e-giti magar sanwar chale

KHayal-o-ilm ka bhi mol-tol hota hai

hamare ahd mein kya kya na karobar chale

hayat sath chali kaenat sath chali

ajib shan se kuchh log su-e-dar chale

wahi to the kabhi chashm-o-charag-e-mahfil-e-gham

jo be-qarar se uTThe jo ashk-bar chale

thake thake se qadam aur tawil rah-e-hayat

musafiran-e-adam bojh sa utar chale

zamin-e-faiz sitare luTa rahi hai 'nazar'

ye kya ki aap yahan se bhi sogwar chale

(1486) Peoples Rate This

Your Thoughts and Comments

Fughan Ke Sath Tere Rahat-e-qarar Chale In English By Famous Poet Nazar Hyderabadi. Fughan Ke Sath Tere Rahat-e-qarar Chale is written by Nazar Hyderabadi. Read famous Poem Fughan Ke Sath Tere Rahat-e-qarar Chale for youth and Student by Nazar Hyderabadi. Free Download Fughan Ke Sath Tere Rahat-e-qarar Chale in PDF.