Agar Apni Chashm-e-nam Par Mujhe IKHtiyar Hota
agar apni chashm-e-nam par mujhe iKHtiyar hota
to bhala ye raaz-e-ulfat kabhi aashkar hota
hai tunuk-mizaj sayyaad kuchh apna bas nahin hai
main qafas ko le ke uDta agar iKHtiyar hota
ye zara si ek jhalak ne dil o jaan ko yun jalaya
teri barq-e-husn se phir koi kya do-chaar hota
aji tauba is gareban ki bhala bisat kya thi
ye kaho ki hath uljha nahin tar-tar hota
wo na aate fatiha ko zara muD ke dekh lete
to hujum-e-'yas' itna na sar-e-mazar hota
Yagana Changezi 
(1068) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544