Haq Mujhe Baatil-ashna Na Kare
haq mujhe baatil-ashna na kare
main buton se phirun KHuda na kare
dosti bad bala hai is mein KHuda
kisi dushman ko mubtala na kare
hai wo maqtul kafir-e-nemat
apne qatil ko jo dua na kare
ru mere ko KHuda qayamat tak
pusht-e-pa se teri juda na kare
naseho ye bhi kuchh nasihat hai
ki 'yaqin' yar se wafa na kare
Yaqeen Inamullah Khan 
(782) Peoples Rate This