Ek KHala Sa Hai Jidhar Dekho Idhar Kuchh Bhi Nahin

ek KHala sa hai jidhar dekho idhar kuchh bhi nahin

aasman kaun-o-makan diwar-o-dar kuchh bhi nahin

baDhta jata hai andhera jaise jadu ho koi

koi paDh lije dua lekin asar kuchh bhi nahin

jism par hai kaun se ifrit ka saya sawar

bhagta hai sar se dhaD jaise ki sar kuchh bhi nahin

har naya rasta nikalta hai jo manzil ke liye

hum se kahta hai purani rahguzar kuchh bhi nahin

ehtimam-e-zindagi se hain ye sab naqsh o nigar

warna ghar kuchh bhi nahin diwar-o-dar kuchh bhi nahin

ghar mein apne sath jab rakkhoge 'amir' dekhna

jis ko tum kahte ho ab rashk-e-qamar kuchh bhi nahin

(823) Peoples Rate This

Your Thoughts and Comments

Ek KHala Sa Hai Jidhar Dekho Idhar Kuchh Bhi Nahin In English By Famous Poet Yaqoob Aamir. Ek KHala Sa Hai Jidhar Dekho Idhar Kuchh Bhi Nahin is written by Yaqoob Aamir. Read famous Poem Ek KHala Sa Hai Jidhar Dekho Idhar Kuchh Bhi Nahin for youth and Student by Yaqoob Aamir. Free Download Ek KHala Sa Hai Jidhar Dekho Idhar Kuchh Bhi Nahin in PDF.