Ye Humne Mana Ki Hoga Visal-e-yar Nasib
ye hum ne mana ki hoga visal-e-yar nasib
dil-e-hazin ko magar hai kahan qarar nasib
ye apna apna muqaddar hai aur kya kahiye
KHizan nasib koi hai koi bahaar nasib
koi to ek nazar ke liye tarasta hai
kisi ko hota hai didar bar bar nasib
na aarzu teri karte na aabru khote
KHud apne dil pe agar hota iKHtiyar nasib
suna to hai tera didar ek din hoga
isi ummid pe baiThe hain intizar nasib
samajh sakega wo kya mere dil ki betabi
hua na jis ko kabhi soz-e-ishq yar nasib
jahan mein aur bhi 'asi' alam ke mare hain
yahan pe tu hi nahin ek sogwar-nasib
Yaqoob Ali Aasi 
(1072) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544