Bataun Main Tumhein Aankhon Mein Aansu Ya Lahu Kya Hai
bataun main tumhein aankhon mein aansu ya lahu kya hai
kabhi ai kash tum puchho ki meri aarzu kya hai
main teri aahaTen pata hun kaliyon ke chaTakne mein
gulistan mein ba-juz jalwon ke tere rang-o-bu kya hai
usi ko dard kahta hai usi ko dard ka darman
nahin ye ishq to ai dil bata phir justuju kya hai
safai pesh karte ho jo apni tauba-shikani ki
batao phir tumhaare hath mein jam-o-subu kya hai
dar-e-kaba ho pa-e-naz ho sar rakh diya hum ne
kahan ye shauq-e-sajda dekhta hai ru-ba-ru kya hai
mujhe bhi aaKHirash taslim to ek rose karna hai
agar kuchh bhi nahin hun main to phir ye tu hi tu kya hai
zamane mein to 'ghazi' nam hai mashhur ek be-shak
magar KHud ki nazar mein puchhiye ki aabru kya hai
Yunus Ghazi 
(1108) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544