Socha Ki Wa Ho Sabz Daricha Jo Band Tha
socha ki wa ho sabz daricha jo band tha
pilahaTon ka chehra bahut fikrmand tha
har sans thukti thi lahu zard rang ka
har shaKHs us gali ka aziyyat-pasand tha
miThe tabassumon ko liye sab se baat ki
KHud se kiya kalam to lab zahr-qand tha
bauna tha wo zarur magar is ke bawajud
kirdar ke lihaz se qad ka buland tha
main ne fasil-e-shab ko muqaddar nahin kiya
tira-shabi mein ghir ke bhi dil arjumand tha
Yusuf Jamal 
(813) Peoples Rate This