Hum Garche Dil O Jaan Se Bezar Hue Hain

hum garche dil o jaan se bezar hue hain

KHush hain ki tere gham ke saza-war hue hain

uTThe hain tere dar se agar surat-e-diwar

ruKHsat bhi to jun saya-e-diwar hue hain

kya kahiye nazar aati hai kyun KHwab ye duniya

kya jaaniye kis KHwab se bedar hue hain

aankhon mein tere jalwe liye phirte hain hum log

hum log ki ruswa sar-e-bazar hue hain

kuchh dekh ke pite hain lahu ahl-e-tamanna

mai-KHwar kisi baat pe mai-KHwar hue hain

zanjir-e-hawadis ki hai jhankar bahar-gam

kya jurm kiya tha ki giraftar hue hain

izhaar-e-gham-e-zist karen kya ki 'zafar' hum

wo gham hain ki sharminda-e-izhaar hue hain

(1077) Peoples Rate This

Your Thoughts and Comments

Hum Garche Dil O Jaan Se Bezar Hue Hain In English By Famous Poet Yusuf Zafar. Hum Garche Dil O Jaan Se Bezar Hue Hain is written by Yusuf Zafar. Read famous Poem Hum Garche Dil O Jaan Se Bezar Hue Hain for youth and Student by Yusuf Zafar. Free Download Hum Garche Dil O Jaan Se Bezar Hue Hain in PDF.