Har Samt Shor-e-banda O Sahib Hai Shahr Mein

har samt shor-e-banda o sahib hai shahr mein

kya ahd-e-talKH hifz-e-maraatib hai shahr mein

har na-rawa rawa hai ba-in nam-e-maslahat

ek kar-e-ishq ghair-munasib hai shahr mein

kis husn-e-pur-tajalli ki har chiz hai asir

haibat ye kis ke hukm ki ghaalib hai shahr mein

ek KHauf-e-dushmani jo taaqub mein sab ke hai

ek harf-e-lutf jo kahin ghaeb hai shahr mein

main tanha bina shaKHs hun amboh-e-KHalq mein

sab aainon ka ruKH meri jaanib hai shahr mein

is KHak-e-murda par kise aawaz den 'zafar'

hijrat hum aise logon pe wajib hai shahr mein

(902) Peoples Rate This

Your Thoughts and Comments

Har Samt Shor-e-banda O Sahib Hai Shahr Mein In English By Famous Poet Zafar Ajmi. Har Samt Shor-e-banda O Sahib Hai Shahr Mein is written by Zafar Ajmi. Read famous Poem Har Samt Shor-e-banda O Sahib Hai Shahr Mein for youth and Student by Zafar Ajmi. Free Download Har Samt Shor-e-banda O Sahib Hai Shahr Mein in PDF.