Duniya Mizaj-dan-o-mizaj-ashna Na Thi
duniya mizaj-dan-o-mizaj-ashna na thi
duniya ke pas zahar bahut tha dawa na thi
raushan tha dil mein sirf kisi yaad ka charagh
ghar mein koi bhi raushni us ke siwa na thi
main tha wafa-sarisht mujhe thi wafa aziz
wo tha bahana-ju use KHu-e-baha na thi
yun koi mere pas se ho kar guzar gaya
jaise kabhi nazar se nazar aashna na thi
be-wajh sangsar jo mujh ko kiya gaya
wo thi ek intiqam ki surat saza na thi
dil bhi kisi ke jaur pe tha dam-ba-KHud 'zafar'
lab par bhi ehtijaj ki koi sada na thi
Zafar Akbarabadi 
(1372) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544