Kaun Yaad Aaya Ye Mahkaren Kahan Se Aa Gain

kaun yaad aaya ye mahkaren kahan se aa gain

dasht mein KHushbu ki bauchhaaren kahan se aa gain

kaisi shab hai ek ek karwaT pe kaT jata hai jism

mere bistar mein ye talwaren kahan se aa gain

KHwab shayad phir hua aankhon mein koi sangsar

zer-e-mizhgan KHun ki dhaaren kahan se aa gain

shayad ab tak mujh mein koi ghonsla aabaad hai

ghar mein ye chiDiyon ki chahkaren kahan se aa gain

sath hai milna agar chahun to milta bhi nahin

ek ghar mein itni diwaren kahan se aa gain

rakh diya kis ne mere shane pe apna garm hath

mujh shikasta-pa mein raftaren kahan se aa gain

(1091) Peoples Rate This

Your Thoughts and Comments

Kaun Yaad Aaya Ye Mahkaren Kahan Se Aa Gain In English By Famous Poet Zafar Gorakhpuri. Kaun Yaad Aaya Ye Mahkaren Kahan Se Aa Gain is written by Zafar Gorakhpuri. Read famous Poem Kaun Yaad Aaya Ye Mahkaren Kahan Se Aa Gain for youth and Student by Zafar Gorakhpuri. Free Download Kaun Yaad Aaya Ye Mahkaren Kahan Se Aa Gain in PDF.