Jo Apni Hai Wo KHak-e-dil-nashin Hi Kaam Aaegi

jo apni hai wo KHak-e-dil-nashin hi kaam aaegi

giroge aasman se jab zamin hi kaam aaegi

yahan se mat uTha bistar ki is saffak aandhi mein

ye TuTi phuTi diwar-e-yaqin hi kaam aaegi

uTha rakkha tha sahra sar pe tum ne kaun manega

jhaTakna mat ki ye gard-e-jabin hi kaam aaegi

wo din aaega jab sare samundar sukh jaenge

miyan andar ki ju-e-atashin hi kaam aaegi

koi aankhon ke shole ponchhne wala nahin hoga

'zafar' sahab ye gili aastin hi kaam aaegi

(574) Peoples Rate This

Your Thoughts and Comments

Jo Apni Hai Wo KHak-e-dil-nashin Hi Kaam Aaegi In English By Famous Poet Zafar Gorakhpuri. Jo Apni Hai Wo KHak-e-dil-nashin Hi Kaam Aaegi is written by Zafar Gorakhpuri. Read famous Poem Jo Apni Hai Wo KHak-e-dil-nashin Hi Kaam Aaegi for youth and Student by Zafar Gorakhpuri. Free Download Jo Apni Hai Wo KHak-e-dil-nashin Hi Kaam Aaegi in PDF.