Binai Se Bahar Kabhi Andar Mujhe Dekhe

binai se bahar kabhi andar mujhe dekhe

mumkin hi nahin hai wo barabar mujhe dekhe

ho jae kabhi raat mere dam se bhi raushan

wo shama-e-tamasha jo ghaDi-bhar mujhe dekhe

main KHud mein to maujud hi mushkil se rahunga

har dekhne wala mere bahar mujhe dekhe

DhunDe koi mujh ko to isi KHak-e-hawas mein

ya silsila-e-sail-e-hawa par mujhe dekhe

mahaul hi kuchh ho chaman-e-KHwab ka aisa

bulbul mujhe samjhe to gul-e-tar mujhe dekhe

ab dekhna hi shart ye Thahri hai ki yun ho

main manzar-e-nayab ko manzar mujhe dekhe

dariya ki pazirai mein shak to nahin lekin

ek lahar ho aisi bhi ki uTh kar mujhe dekhe

main bar digar hi kahin aata hun samajh mein

jo dekhna chahe so mukarrar mujhe dekhe

mera nazar aana hai 'zafar' baat hi kuchh aur

jo dekh nahin sakta wo aksar mujhe dekhe

(547) Peoples Rate This

Your Thoughts and Comments

Binai Se Bahar Kabhi Andar Mujhe Dekhe In English By Famous Poet Zafar Iqbal. Binai Se Bahar Kabhi Andar Mujhe Dekhe is written by Zafar Iqbal. Read famous Poem Binai Se Bahar Kabhi Andar Mujhe Dekhe for youth and Student by Zafar Iqbal. Free Download Binai Se Bahar Kabhi Andar Mujhe Dekhe in PDF.