Jahan Nigar-e-sahar Pairahan Utarti Hai
jahan nigar-e-sahar pairahan utarti hai
wahin pe raat sitaron ka khel haarti hai
shab-e-visal tere dil ke sath lag kar bhi
meri luTi hui duniya tujhe pukarti hai
shumar-e-shauq mein uljhi hui shua-e-nazar
hazar ruThte rangon ke rup dhaarti hai
ufuq se phuTte mahtab ki mahak jaise
sukun-e-bahr mein ek lahar si ubhaarti hai
pas-e-daricha-e-dil yaad-e-bu-e-ju-e-nashat
na jaane kab se khaDi kakulen sanwarti hai
dar-e-umid se ho kar nikalne lagta hun
to yas rauzan-e-zindan se aankh marti hai
jahan se kuchh na mile husn-e-mazarat ke siwa
ye aarzu usi chaukhaT pe shab guzarti hai
jo ek jism jalati hai barq-e-abr-e-KHayal
to lakh zang-zada aaine nikhaarti hai
Zafar Iqbal 
(1239) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544