Jo Narawa Tha Isko Rawa Karne Aaya Hun

jo narawa tha us ko rawa karne aaya hun

main qarz dusron ka ada karne aaya hun

ek taza-tar futur mere sar mein aur hai

jo kar chuka hun us se siwa karne aaya hun

KHud ek sawal hai mera aana hi is taraf

ab kya bataiye ki main kya karne aaya hun

kahni hai dusron se alag main ne koi baat

main kaam koi sab se juda karne aaya hun

ek dagh hai ki jis ka lagana hai ab suragh

ek zaKHm hai ki jis ko hara karne aaya hun

anjam-e-kar dil ka ye darwaza toD kar

main sare qaidiyon ko riha karne aaya hun

rakhta hun apna aap bahut khinch-tan kar

chhoTa hun aur KHud ko baDa karne aaya hun

jo kar rahe hain aise hi karte rahenge sab

main to fuzul chun-o-chara karne aaya hun

KHairaat ka mujhe koi lalach nahin 'zafar'

main is gali mein sirf sada karne aaya hun

(969) Peoples Rate This

Your Thoughts and Comments

Jo Narawa Tha Isko Rawa Karne Aaya Hun In English By Famous Poet Zafar Iqbal. Jo Narawa Tha Isko Rawa Karne Aaya Hun is written by Zafar Iqbal. Read famous Poem Jo Narawa Tha Isko Rawa Karne Aaya Hun for youth and Student by Zafar Iqbal. Free Download Jo Narawa Tha Isko Rawa Karne Aaya Hun in PDF.