KHamushi Achchhi Nahin Inkar Hona Chahiye

KHamushi achchhi nahin inkar hona chahiye

ye tamasha ab sar-e-bazar hona chahiye

KHwab ki tabir par israr hai jin ko abhi

pahle un ko KHwab se bedar hona chahiye

Dub kar marna bhi uslub-e-mohabbat ho to ho

wo jo dariya hai to us ko par hona chahiye

ab wahi karne lage didar se aage ki baat

jo kabhi kahte the bas didar hona chahiye

baat puri hai adhuri chahiye ai jaan-e-jaan

kaam aasan hai ise dushwar hona chahiye

dosti ke nam par kije na kyunkar dushmani

kuchh na kuchh aaKHir tariq-e-kar hona chahiye

jhuT bola hai to qaem bhi raho us par 'zafar'

aadmi ko sahab-e-kirdar hona chahiye

(2688) Peoples Rate This

Your Thoughts and Comments

KHamushi Achchhi Nahin Inkar Hona Chahiye In English By Famous Poet Zafar Iqbal. KHamushi Achchhi Nahin Inkar Hona Chahiye is written by Zafar Iqbal. Read famous Poem KHamushi Achchhi Nahin Inkar Hona Chahiye for youth and Student by Zafar Iqbal. Free Download KHamushi Achchhi Nahin Inkar Hona Chahiye in PDF.