Main Zard Aag Na Pani Ke Sard Dar Mein Raha

main zard aag na pani ke sard Dar mein raha

raha to soi hui KHak ke KHatar mein raha

wo gard-baad ki dil ki zaban ka zaiqa hai

nazar-ufuq pe huwaida hua na sar mein raha

ki shamil is mein meri larzish-e-KHayal bhi thi

jo asl chhoD ke main aks ke asar mein raha

tere libas pe ho us ki wapsi ki chamak

jo ek umr tere KHun ke asar mein raha

ghira tha chaaron taraf dhoD ki qanat sa main

magan zamana kisi naqsh-e-tar-ba-tar mein raha

us ek lamhe ki gum-gashtagi pe KHush hain sabhi

jo hashr ban ke mere sang-e-be-sharar mein raha

ye shahr zinda hai lekin har ek lafz ki lash

jahan kahin se uThi shor mere ghar mein raha

chapatiyan thin bandhi peT par magar shab-bhar

ubharta Dubta main bhuk ke bhanwar mein raha

kahan se kaise kise kaun le uDa tha 'zafar'

jo aadhi raat ko raula sa dasht o dar mein raha

(636) Peoples Rate This

Your Thoughts and Comments

Main Zard Aag Na Pani Ke Sard Dar Mein Raha In English By Famous Poet Zafar Iqbal. Main Zard Aag Na Pani Ke Sard Dar Mein Raha is written by Zafar Iqbal. Read famous Poem Main Zard Aag Na Pani Ke Sard Dar Mein Raha for youth and Student by Zafar Iqbal. Free Download Main Zard Aag Na Pani Ke Sard Dar Mein Raha in PDF.