Ye Zamin Aasman Ka Mumkin
ye zamin aasman ka mumkin
nahin sare jahan ka mumkin
aql ki KHar-zar wadi mein
rakh liya hai guman ka mumkin
kuchh mere haal-e-zar ka imkan
kuchh teri aan-ban ka mumkin
hain wahi na-rasai ke naghme
aur wahi mehrban ka mumkin
kuchh ziyaada tabah kar na sake
jism ke sath jaan ka mumkin
aage aage hun main mere pichhe
hai mere qadr-dan ka mumkin
dur-tar hai suragh ka sahil
dhund mein hai nishan ka mumkin
la-makani hi la-makani hai
kho chuka hai makan ka mumkin
is buDhape mein bhi 'zafar' aa kar
koi dekhe jawan ka mumkin
Zafar Iqbal 
(1219) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544