Tamam Rang Jahan Iltija Ke Rakkhe The

tamam rang jahan iltija ke rakkhe the

lahu lahu wahin manzar ana ke rakkhe the

karam ke sath sitam bhi bala ke rakkhe the

har ek phul ne kanTe chhupa ke rakkhe the

sukun chehre pe har KHush ada ke rakkhe the

samundaron ne bhi tewar chhupa ke rakkhe the

meri ummid ka suraj ki teri aas ka chand

diye tamam hi ruKH par hawa ke rakkhe the

wo jis ki pak uDanon ke mo'tarif the sab

jale hue wahi shahpar haya ke rakkhe the

bana yazid zamana jo main husain bana

ki zulm baqi abhi karbala ke rakkhe the

unhin ko toD gaya hai KHulus ka chehra

jo chand aaine hum ne bacha ke rakkhe the

yunhi kisi ki koi bandagi nahin karta

buton ke chehron pe tewar KHuda ke rakkhe the

gae hain bab-e-rasa tak wo dastaken ban kar

'zafar' jo hath pe aansu dua ke rakkhe the

(604) Peoples Rate This

Your Thoughts and Comments

Tamam Rang Jahan Iltija Ke Rakkhe The In English By Famous Poet Zafar Moradabadi. Tamam Rang Jahan Iltija Ke Rakkhe The is written by Zafar Moradabadi. Read famous Poem Tamam Rang Jahan Iltija Ke Rakkhe The for youth and Student by Zafar Moradabadi. Free Download Tamam Rang Jahan Iltija Ke Rakkhe The in PDF.