Main Tumhein Phul Kahun Tum Mujhe KHushbu Dena

main tumhein phul kahun tum mujhe KHushbu dena

mere bazu mein zara pyar se bazu dena

aarzu chand ki hai zarf se baDh kar lekin

teri fayyazi ki tauhin hai jugnu dena

har qadam mujh ko charaghon ki zarurat hogi

aap to zad-e-safar mein mujhe aansu dena

sabr tamir ki buniyaad hai rabba mere

mujh ko biphre hue jazbaat pe qabu dena

apne aamal ki tausif mein masruf hai wo

ahl-e-insaf zara us ko taraazu dena

(1144) Peoples Rate This

Your Thoughts and Comments

Main Tumhein Phul Kahun Tum Mujhe KHushbu Dena In English By Famous Poet Zafar Sahbai. Main Tumhein Phul Kahun Tum Mujhe KHushbu Dena is written by Zafar Sahbai. Read famous Poem Main Tumhein Phul Kahun Tum Mujhe KHushbu Dena for youth and Student by Zafar Sahbai. Free Download Main Tumhein Phul Kahun Tum Mujhe KHushbu Dena in PDF.