Ham-nashin Un Ke Taraf-dar Bane BaiThe Hain
ham-nashin un ke taraf-dar bane baiThe hain
mere gham-KHwar dil-azar bane baiThe hain
baat kya un se karun un ke uThaun kyun-kar
muddai bich mein diwar bane baiThe hain
na-tawani ne udhar panw pakaD rakkhe hain
wo nazakat se giran-bar bane baiThe hain
kya buri shai hai mohabbat bhi ilahi tauba
jurm-e-na-karda KHata-war bane baiThe hain
bewafai ke gile jin ke hue the kal tak
aaj duniya ke wafadar bane baiThe hain
wo hain aur ghair hain aur aish ke saman 'zahir'
hum alag sab se gunahgar bane baiThe hain
Zaheer Dehlvi 
(1104) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544