Wo JhuTa Ishq Hai Jis Mein Fughan Ho

wo jhuTa ishq hai jis mein fughan ho

wo kachchi aag hai jis mein dhuan ho

adu tum se tum un se bad-guman ho

tumhaare wo tum un ke pasban ho

bhala tum aur mujh par mehrban ho

inayat ye nasib-e-dushmanan ho

mera haal aur phir mera bayan ho

ajab kya gar adu bhi ham-zaban ho

kahen kis se KHudi mein tum kahan ho

gila jab ho ki qabu mein zaban ho

tumhaari be-ruKHi shikwe hamare

qayamat tak na puri dastan ho

zaban bahki hui hairan nigahen

KHayal-e-dil kahan hai tum kahan ho

maza jab aae un se guftugu ka

payami ka dahan meri zaban ho

kashida kyun na ho bazar-e-yusuf

ki jab tum sa mata-e-karwan ho

kahun kya raaz-e-dil kyun kar ho bawar

ki tum sa hi tumhaara raaz-dan ho

abhi se kis liye dil chhoD baiThen

jahan tak ho sake aah-o-fughan ho

(1020) Peoples Rate This

Your Thoughts and Comments

Wo JhuTa Ishq Hai Jis Mein Fughan Ho In English By Famous Poet Zaheer Dehlvi. Wo JhuTa Ishq Hai Jis Mein Fughan Ho is written by Zaheer Dehlvi. Read famous Poem Wo JhuTa Ishq Hai Jis Mein Fughan Ho for youth and Student by Zaheer Dehlvi. Free Download Wo JhuTa Ishq Hai Jis Mein Fughan Ho in PDF.