Dil Mar Chuka Hai Ab Na Masiha Bana Karo

dil mar chuka hai ab na masiha bana karo

ya hans paDo ya hath uTha kar dua karo

ab husn ke mizaj se waqif hua hun main

ek bhul thi jo tum se kaha tha wafa karo

dil bhi sanam-parast nazar bhi sanam-parast

kis ki ada saho to kise rahnuma karo

jis se hujum-e-ghair mein hoti hain chashmaken

us ajnabi nigah se bhi aashna karo

ek soz ek dhuan hai pas-e-parda-e-jamal

tum lakh sham-e-bazm-e-raqiban bana karo

qaem usi ki zat se hai rabt-e-zindagi

ai dost ehtiram-e-dil-e-mubtala karo

taqrib-e-ishq hai ye dam-e-wapsin nahin

tum jao apna farz-e-taghaful ada karo

wo bazm se nikal ke kahte hain ai 'zahir'

jao magar qarib-e-rag-e-jaan raha karo

(642) Peoples Rate This

Your Thoughts and Comments

Dil Mar Chuka Hai Ab Na Masiha Bana Karo In English By Famous Poet Zaheer Kashmiri. Dil Mar Chuka Hai Ab Na Masiha Bana Karo is written by Zaheer Kashmiri. Read famous Poem Dil Mar Chuka Hai Ab Na Masiha Bana Karo for youth and Student by Zaheer Kashmiri. Free Download Dil Mar Chuka Hai Ab Na Masiha Bana Karo in PDF.