Ek ShaKHs Raat Band-e-qaba Kholta Raha

ek shaKHs raat band-e-qaba kholta raha

shab ki siyahiyon mein shafaq gholta raha

tanhaiyon mein aati rahi jab bhi us ki yaad

saya sa ek qarib mere Dolta raha

husn-e-bahaar KHub magar dida-e-bahaar

moti chaman ki KHak pe kyun rolta raha

us ne sukut ko bhi takallum samajh liya

kuchh is ada-e-KHas se dil bolta raha

hijran ki raat mashghala-e-dil na puchhiye

is zulf-e-KHam-ba-KHam ki girah kholta raha

hum kushtagan-e-KHwab giran-gosh hi rahe

suraj saron pe waqt-e-sahar bolta raha

us rah-e-jazb se bhi guzarna paDa 'zahir'

jis rah mein KHirad ka qadam Dolta raha

(631) Peoples Rate This

Your Thoughts and Comments

Ek ShaKHs Raat Band-e-qaba Kholta Raha In English By Famous Poet Zaheer Kashmiri. Ek ShaKHs Raat Band-e-qaba Kholta Raha is written by Zaheer Kashmiri. Read famous Poem Ek ShaKHs Raat Band-e-qaba Kholta Raha for youth and Student by Zaheer Kashmiri. Free Download Ek ShaKHs Raat Band-e-qaba Kholta Raha in PDF.