Kahan Tak Kawish-e-isbaat-e-paiham
kahan tak kawish-e-isbaat-e-paiham
kahan tak zaKHm-e-dil tadbir-e-marham
sukut-e-shab hujum-e-na-umidi
shumar-e-dagh-ha-e-zist aur hum
kabhi aalam ghubar-e-chashm-e-hairan
kabhi wo ek nigah aur ek aalam
baDhao jurat-e-afkar ki lau
abhi hai garmi-e-bazm-e-junun kam
dahakne do abhi daghon se mahfil
chhalakne do abhi paimana-e-gham
ye kis manzil pe le aai tamanna
ki bas ek dard-e-tanhai hai mahram
Zahida Zaidi 
(942) Peoples Rate This