Jazba-e-be-karana
luTa do luTa do
ye afkar-o-anwar ka
nim-KHufta KHazana
umaDte simaTte
talatum se Dhaalo
koi dard-agin fasana
makan la-makan hai
zaman be-karan hai
nihan hai
isi mehwar-e-arzu mein
tumhaare KHad-o-KHal ka
aks-e-mauhum
parwaz ka jazba-e-be-karana
ghani aur be-nur rahon mein
banaogi kya aashiyana
luTa do lunDha do
bachi hai jo ab jam mein
ye sharab-e-shabana
ki anjam-e-hasti
fana ke samundar mein hai
Dub jaana
Zahida Zaidi 
(959) Peoples Rate This