Khoya Hua Tha Hasil Hone Wala Hun
khoya hua tha hasil hone wala hun
main kaghaz par nazil hone wala hun
chhoD aaya hun pichhe sab aawazon ko
KHamoshi mein daKHil hone wala hun
KHud hi apna rasta dekh raha hun main
KHud hi apni manzil hone wala hun
mujh ko sharik-e-mahfil bhi kab samjhen wo
main jo jaan-e-mahfil hone wala hun
jaane kya kah jaega Dar lagta hai
aaine ke muqabil hone wala hun
ruh sulagti aur pighalti jati hai
ek badan mein shamil hone wala hun
aaKHir kab tak apne naz uThaun 'shaz'
aaj apna hi qatil hone wala hun
Zakariya Shaz 
(991) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544