Itab-o-qahr Ka Har Ek Nishan Bolega
itab-o-qahr ka har ek nishan bolega
main chup raha to shikasta makan bolega
abhi hujum hai us ko julus banne de
tere KHilaf har ek be-zaban bolega
hamari chiKH kabhi be-asar nahin hogi
zamin KHamosh sahi aasman bolega
jo tum subut na doge azab ke din ka
gawah ban ke ye sara jahan bolega
kabhi to aaega wo waqt bhi 'zaki' tariq
yaqin ban ke hamara guman bolega
Zaki Tariq 
(1369) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544