Aalam Se Fuzun Tera Aalam Nazar Aata Hai

aalam se fuzun tera aalam nazar aata hai

har husn muqabil mein kuchh kam nazar aata hai

chamka hai muqaddar kya is tira-nasibi ka

suraj bhi shab-e-gham ka parcham nazar aata hai

hai teri tamanna ka bas ek bharam qaem

ab warna mere dil mein kya dam nazar aata hai

tanha nahin rah pata sahra mein bhi diwana

jab KHak uData hai aalam nazar aata hai

ai 'zeb' mujhe teri taKHil ki maujon mein

hushyari o masti ka sangam nazar aata hai

(483) Peoples Rate This

Your Thoughts and Comments

Aalam Se Fuzun Tera Aalam Nazar Aata Hai In English By Famous Poet Zeb Ghauri. Aalam Se Fuzun Tera Aalam Nazar Aata Hai is written by Zeb Ghauri. Read famous Poem Aalam Se Fuzun Tera Aalam Nazar Aata Hai for youth and Student by Zeb Ghauri. Free Download Aalam Se Fuzun Tera Aalam Nazar Aata Hai in PDF.