Aalam Se Fuzun Tera Aalam Nazar Aata Hai
aalam se fuzun tera aalam nazar aata hai
har husn muqabil mein kuchh kam nazar aata hai
chamka hai muqaddar kya is tira-nasibi ka
suraj bhi shab-e-gham ka parcham nazar aata hai
hai teri tamanna ka bas ek bharam qaem
ab warna mere dil mein kya dam nazar aata hai
tanha nahin rah pata sahra mein bhi diwana
jab KHak uData hai aalam nazar aata hai
ai 'zeb' mujhe teri taKHil ki maujon mein
hushyari o masti ka sangam nazar aata hai
Zeb Ghauri 
(961) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544