BhaDakti Aag Hai Shoalon Mein Hath Dale Kaun
bhaDakti aag hai shoalon mein hath Dale kaun
bacha hi kya hai meri KHak ko nikale kaun
tu dost hai to zaban se koi qarar na kar
na jaane tujh ko kisi waqt aazma le kaun
lahu mein tairta phirta hai mera KHasta badan
main Dub jaun to zaKHmon ko dekhe-bhaale kaun
guhar lage the KHunuk ungliyon ke zaKHm mujhe
ab is athah samundar ko phir khangale kaun
Zeb Ghauri 
(939) Peoples Rate This