Dhala Na Sang Ke Paikar Mein Yar Kis Ka Tha

Dhala na sang ke paikar mein yar kis ka tha

wo ek aks chaTanon ke par kis ka tha

zamin paDi rahi be-saz-o-barg kis ki thi

kahin baras gaya abr-e-bahaar kis ka tha

hawaen le uDin naqsh-e-kamal ka nairang

na jaane KHak pe wo shahkar kis ka tha

kahin pata na laga phir wajud ka mere

uTha ke le gai duniya shikar kis ka tha

nafas charagh siyah paniyon mein tha KHamosh

KHabar nahin ki use intizar kis ka tha

jo aarzu thi bani ek bojh aaKHir 'zeb'

hamin uThae phire dil pe bar kis ka tha

(543) Peoples Rate This

Your Thoughts and Comments

Dhala Na Sang Ke Paikar Mein Yar Kis Ka Tha In English By Famous Poet Zeb Ghauri. Dhala Na Sang Ke Paikar Mein Yar Kis Ka Tha is written by Zeb Ghauri. Read famous Poem Dhala Na Sang Ke Paikar Mein Yar Kis Ka Tha for youth and Student by Zeb Ghauri. Free Download Dhala Na Sang Ke Paikar Mein Yar Kis Ka Tha in PDF.