Din Hai Be-kaif Be-gunahon Sa

din hai be-kaif be-gunahon sa

na-kushada sharab-gahon sa

kuchh faqirana be-niyazi bhi

kuchh mizaj apna baadshahon sa

dil dar-e-mai-kada sa wa sab par

ghar bhi rakhte hain KHanqahon sa

sab pe khulte nahin magar mere sher

haal hai kuchh teri nigahon sa

aa gaya hai bayan mein kyunkar

pech-o-KHam sara teri rahon sa

kuchh nafas mein sharab ki si mahak

kuchh hawa mein nasha gunahon sa

ujli ujli pahaDiyon par 'zeb'

rang utra hai jalwa-gahon sa

(1191) Peoples Rate This

Your Thoughts and Comments

Din Hai Be-kaif Be-gunahon Sa In English By Famous Poet Zeb Ghauri. Din Hai Be-kaif Be-gunahon Sa is written by Zeb Ghauri. Read famous Poem Din Hai Be-kaif Be-gunahon Sa for youth and Student by Zeb Ghauri. Free Download Din Hai Be-kaif Be-gunahon Sa in PDF.