Mauja-e-gham Mein Rawani Bhi To Ho
mauja-e-gham mein rawani bhi to ho
kuchh jigar ka KHun-pani bhi to ho
ranj surat ke badal jaane ka kya
koi shai duniya ki fani bhi to ho
gham mein rafta rafta masti aaegi
kuchh dinon ye mai purani bhi to ho
kijiyega sun ke kya rudad-e-gham
kya kahun koi kahani bhi to ho
kya taqabul meri jaulani se 'zeb'
koi dariya mein rawani bhi to ho
Zeb Ghauri 
(989) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544